24 Payares: Siguimos #FaciendoCamín na cai

Como venimos apuntando dende cuantayá, son milenta los motivos pa que l'estudiantáu asturianu salga a les cais. La LOMCE, llexislada  y pensada dende Madrid, sigue imponiéndose o dexándose d'imponer  n'Asturies con total sumisión del gobiernu asturianu, y ensin atender  nenguna de les reivindicaciones que dende l'estudiantáu, el profesoráu, y  les más y pás, vienen faciéndose en refugu d'esta llei mercantilizadora  y aculturizadora.

Nesi sen, esti 24 de Payares hai convocada una nuea fuelga por parte'l SE, na que la XEA insiste en 3 puntos básicos y diferenciadores respeuto a les formes y el fondu convocante:

1)  Dende la XEA puxamos por un enseñu fechu y pensáu pol pueblu asturianu y  pal pueblu asturianu, y anque nun negamos qu'unes lleis educatives  feches pol Estáu español pueden ser meyores qu'otres, el nuesu enfotu ta  en construyir  un enseñu asturianu, llibre d'élites que faigan y desfaigan en  perxuiciu'l pueblu. 

2)  Por muncho que valtiemos "lleis franquistes", nun va haber nenguna  reforma especialmente bona dientro de la lóxica capitalista. La  educación nel capitalismu enxamás va ser igualitaria, emancipadora,  participativa... poro, la crítica de fondu al sistema económicu y  políticu paeznos fundamental.

3)  Fuelgues aleatories, feches por cumplir l'espediente anual d'actividá, y  que nun cunten cola totalidá del texíu estudiantil asturianu, faen más  mal que bien a una ferramienta irrenunciable como ye la fuelga. Una  vegada más, nun podemos tar d'alcuerdu coles formes de convocatoria nin  cola estratexa xeneral de la organización convocante: insistimos na  necesidá de construyir movimientu estudiantil plural, de base y diariu.

Con too ello, la Xunta Estudiantil Asturiana considera que nenguna ocasión ye mala pa salir a les cais a lluchar y reivindicar, fechu qu'aprovecharemos amás pa siguir faciendo trescalar nel estudiantáu asturianu la necesidá d'autoorganizase y avanzar haza otru modelu de llucha. Amás, consideramos qu'esa xera tien de ser amplia y plural, como lo ye'l propiu movimientu estudiantil, con quien los convocantes, una vegada más, nun cuntaron pa nada.

En consecuencia, dende la XEA tornamos a faer un llamáu a participar nel Bloque Críticu Estudiantil esti xueves a les 12:00 na Plaza España. Esti BCEst, del que participamos xunto con otres organizaciones y persones, ye una bona espresión d'unidá dende la diversidá, atalantando la importancia de construyir ente toes y toos el movimientu estudiantil qu'Asturies precisa. 

26 d'Ochobre: En movilización crítica por un enseñu asturianu y popular

Les estudiantes d'Asturies tenemos munches agresiones del poder que valtiar, asina como muncho que siguir construyendo. La LOMCE, llexislada y pensada dende Madrid, sigue imponiéndose o dexándose d'imponer n'Asturies con total sumisión del gobiernu asturianu, y ensin atender nenguna de les reivindicaciones que dende l'estudiantáu, el profesoráu, y les más y pás, vienen faciéndose en refugu d'esta llei mercantilizadora y aculturizadora.

Esta LOMCE, y en concretu les reválides, son la cuestión principal que motiva la fuelga entamada a nivel estatal pol SE. Y anque podemos tar d'alcuerdu nel "eslogan" de refugalo, a poco qu'afondemos atopamos diferencies fonderes:

1) Dende la XEA puxamos por un enseñu fechu y pensáu pol pueblu asturianu y pal pueblu asturianu, y anque nun negamos qu'unes lleis educatives feches pol Estáu español pueden ser meyores qu'otres, el nuesu enfotu ta en construyir un enseñu asturianu, llibre d'élites que faigan y desfaigan en perxuiciu'l pueblu.

2) Por muncho que valtiemos "lleis franquistes", nun va haber nenguna reforma especialmente bona dientro de la lóxica capitalista. La educación nel capitalismu enxamás va ser igualitaria, emancipadora, participativa... poro, la crítica de fondu al sistema económicu y políticu paeznos fundamental.

3) Fuelgues aleatories, feches por cumplir l'espediente anual d'actividá, y que nun cunten cola totalidá del texíu estudiantil asturianu, faen más mal que bien a una ferramienta irrenunciable como ye la fuelga. Una vegada más, nun podemos tar d'alcuerdu coles formes de convocatoria nin cola estratexa xeneral de la organización convocante: insistimos na necesidá de construyir movimientu estudiantil plural, de base y diariu.

Con too ello, xunto coles reivindicaciones que van más allá de la propia LOMCE (les carencies esistentes na nuesa universidá, na FP... siguen tando ehí y precisando de tratamientu), creyemos dende la XEA que la movilización nunca sobra, pero fadrémoslo de forma crítica.

En coherencia con ello, dende la Xunta Estudiantil Asturiana participamos y sofitamos el Bloque Críticu Estudiantil convocáu pa la manifestación del miércoles 26 a les 12:00 na Plaza España d'Uviéu. Esti bloque ye frutu del trabayu conxuntu de delles organizaciones y persones que xuntamos les nueses fuercies baxo una marca común, y baxo un llema bien claru ("La educación nun se llexisla, conquístase"), va tar glayando nes cais uvieínes contra la educación capitalista, y por un movimientu estudiantil de base y verdaderamente combativu.

Nesi sen, entendemos que ye perimportante que, amás de siguir col nuesu propiu camín como organización y como proyeutu discursivu, axuntemos esfuercios baxo un programa de mínimos con toes aquelles dimpuestes a facer qu'estes premises anticapitalistes y de base seyan mayoritaries. 

Esti 26 d'Ochobre, vémonos nes cais: movilizámonos críticamente pa siguir construyendo una educación y un movimientu estudiantil, asturianu y popular.

 

 BLOQUE CRÍTICU ESTUDIANTIL

Yá nun ye un rumor llonxanu: la LOMCE llegó, condergando a los fíos de la clase trabayadora a un enseñu retrógradu y cada vegada más recortáu.

Eso los que pasen de cursu: otros tantos van echalos a pataes del sistema educativu, por nun adaptase a un modelu que te fae obedecer y memorizar, non pensar por ti mesmu. Pero, aprobando o non, el destín ye’l mesmu: un mercáu llaboral de xóvenes precarios y sumisos a les grandes empreses. Mentanto l’asturianu, sigue arrequexáu nun caxón, por ciertos poderes que prefieren que falemos l’idioma de la Troika que’l de nueso.

Asina son les coses, pero eso nun quier dicir que nun puean camudar. Les estudiantes nun deberíemos quedanos de brazos cruzaos ante esti nuevu ataque del capitalismu más xabaz. Los derechos qu’anguaño tenemos nun cayeron del cielu, conquistáronse na cai, y tamién ellí habrá que defendelos.

Nun somos otru puntu con graduáu d’EXB pidiéndote que t’afilies a un coleutivu de diez sigles: somos rapaces, como tu, qu’estudien y que trabayen, que saben que’l nuesu futuru ta colgáu d’un filu, y que fae falta lluchar por él. Tu yes quien fae’l cambiu, nun necesites que naide te lo diga

-Por un movimientu estudiantil de base y combativu
-Escontra la educación capitalista
¡Por mín, por ti, por toos!

26 d’ochobre
-12:00 Entamu de la mani na Plaza España d'Uviéu, ¡busca la nuesa pancarta!

Axitación estudiantil por una educación asturiana y popular

A lo llargo de los díes 13 y 14 d'abril, coincidiendo cola convocatoria estatal de fuelga estudiantil, dende la XEA aprovechamos pa treslladar al estudiantáu la necesidá d'avanzar haza un movimientu estudiantil tresformador, de base (fechu nel trabayu diariu, en cada centru d'estudiu, horizontalmente) y apegáu a la realidá cultural, social, hestórica, etc del nuesu país, Asturies. 

Nesi sen, como yá treslladábemos con anterioridá, nun coincidimos y criticamos les formes centralistes, unilaterales, y folclorizantes del SE nes sos convocatories de fuelga, pensaes dende Madrid y ensin cuntar con nengún otru sector del movimientu estudiantil. Poro, espeyamos éstes cuestiones, asina como una reivindicación en positivu de los nuesos valores, al traviés d'aiciones diverses, como pancartes en dellos centros d'educación secundaria y universitaria d'Asturies.

De la mesma manera, tamién tuviemos presentes na manifestación del xueves 14 n'Uviéu, onde amás de participar con pancarta y banderes pola lliberación nacional, social y de xéneru, espardimos un cientu de pasquinos afitando tolo citao en rellación al movimientu estudiantil en sí, y tamién les nueses propuestes y reivindicaciones pal enseñu asturianu. 

Dende la XEA siguimos trabayando acaldía por algamar una educación del pueblu y pal pueblu, siguimos #FaciendoCamín, ¡y la to participación ye imprescindible!

La XEA énte les movilizaciones del 13 y 14 d'abril

Los próximos 13 y 14 d’abril tán convocaes dos xornaes de fuelga estudiantil a nivel estatal, sobre les que dende la XEA queremos amosar el nuesu posicionamientu y perpeutives.

En primer términu, consideramos que son munches les razones poles que les y los estudiantes d’Asturies tienen que salir a la cai: por una LOMCE que nun podemos parar de refugar hasta la so muerte definitiva; por un enseñu públicu que nes etapes primaries y secundaries ta cada día pior nel nuesu país (pieslles de centros, estudiantes en barracones, falta de profesoráu…), por una Formación Profesional acaldía más pensada por y pa l’empresariáu, y non pa les persones; y por un enseñu universitariu alloñáu de la realidá del país tanto nel planu académicu, como nel social, o nel cultural.

Pero non too queda na simple oposición a esti tipu d’agresiones: tamién creyemos imprescindible reivindicar en positivo la defensa del calter públicu del sistema educativu, un enseñu que tien qu'avanzar inevitablemente nel camín de convertise nuna ferramienta igualitaria, emancipadora, llaica, popular, y pegada a la realidá social, cultural y a la hestoria del nuesu país, Asturies.

Nesi sen, paeznos qu’una vegada más, va afrontase una convocatoria de fuelga pensada y diseñada dende fuera d’Asturies y dende la pirámide d'una estructura organizativa, polo que nun atiende nin a les necesidaes, nin a los ritmos, nin a les problemátiques concretes del estudiantáu asturianu, y qu’amuesa a les clares la necesidá de siguir avanzando nunes dinámiques y calendarios propios que dea un sentíu real y efectivu a les lluches, organizándonos dende la base y en cuantos más centros d'enseñu.

El movimientu estudiantil tien que ser una ferramienta ACTIVA y DINAMIZADORA, non una organización inmovilista y pasiva que namás que se dedica a facer convocatories de fuelga ensin nengún otru tipu d'actividaes nin de crítica el restu l'añu. Pa ser  motor de cambiu y de tresformación social, l'estudiantáu tien que frayar  coles movilizaciones de calter "festivu” y ensin nenguna planificación  de futuru, camudándolo pol trabayu diariu de base nel camín de la  concienciación y la organización constante del estudiantáu asturianu.

Ye por ello que dende la Xunta Estudiantil Asturiana vamos movilizanos estos díes, igual que’l restu del añu, pero dende una perspeutiva crítica: nun apoyamos la imposición de convocatories centralistes, unilaterales, y carentes d’una base plural y apegada a la realidá asturiana. Sicasí, taremos presentes nes movilizaciones y lluches d’estos dos díes col oxetivu principal de siguir espardiendo nel estudiantáu asturianu estes cuestiones mínimes que plantegamos nes llinies anteriores.

¡¡¡POR UNA EDUCACIÓN PÚBLICA Y ASTURIANA!!!

¡¡¡¡¡ASTURIES SÁLVASE LLUCHANDO!!!!!

La XEA énte la fuelga del 3 de marzu

Dende la Xunta Estudiantil Asturiana (XEA) queremos treslladar públicamente la nuesa decisión no tocantes a la fuelga del 3 de marzu convocada pol Frente de Estudiantes (FdE).

Los y les estudiantes que lluchamos caldía de manera activa entendemos que, pesie a ser una convocatoria a nivel de tol Estáu español, n’Asturies nun se correspuende pa cola realidá del movimientu estudiantil. Nun hai constancia nenguna d'actividá del Frente de Estudiantes nin, tampoco, del trabayu necesariu pa organizar de manera afayadiza, seria y sostenida esti tipu d'aición nel nuesu país. Poro, dende la Xunta Estudiantil Asturiana (XEA) alcordemos, tres d'aconceyar de manera abierta y pública, que nun ye coherente pa col activismu estudiantil sofitar un llamáu estrínsecu y unillateral; nun ye una espresión de la voluntá del movimientu estudiantil asturianu.

Los tiempos impuestos pol Frente de Estudiantes considerémoslos insuficientes pa promover una rempuesta coordinada del estudiantáu. Nun se pue entender qu'aguaño se desanicie cualquier supuestu de coparticipación pente organizaciones estudiantiles asturianes pa enfrentar les agresiones a la educación pública.

La fuelga ye una ferramienta necesaria de visibilización de la llucha de los movimientos  organizaos nos pueblos del Estáu español, pero siempre y cuando seya espresión sincera del trabayu real previu. El compromisu de los y les estudiantes na Xunta Estudiantil Asturiana (XEA) ye siguir trabayando nel día a día pa responder a les reivindicaciones del estudiantáu de la educación pública asturiana.

Esta necesidá de trabayar dende la base en cada marcu nacional atendiendo a les estremaes realidaes llocales, paeznos imprescindible pa facer efectivu'l nuesu trabayu calteniendo l'internacionalismu como un finxu irrenunciable, clave pa tresformar esta sociedá capitalista per aciu l'aición y l'análisis. Ye por ello que saludamos la convocatoria de fuelga del SEPC nos Païssos Catalans pal mesmu 3 de marzu, frutu d'un trabayu de base a lo llargu del tiempu, tresformador, y enxertáu nel so marcu nacional que-yos permite encarar esta convocatoria como lo que ye, el siguiente pasu dientro d'una lóxica de movilización y organización creciende del estudiantáu alredor d'un programa políticu de los y les estudiantes.

Pa finar, paeznos por too ello que nun hai atayos posibles: el camín ye afitar el movimientu estudiantil asturianu y de base.

#ParaLosPueblos énte les convocatories del 3 de marzu

El capitalismo neoliberal está intentando maximizar sus ganancias mediante la privatización de sectores potencialmente generadores de beneficio como es la educación -más concretamente el sistema universitario-, ya que necesita la apertura de nuevos mercados y productos para mantener su tasa de ganancia y acrecentar su acumulación de capital. Delante de esta coyuntura, el Movimiento Estudiantil de los Països Catalans ha organizado y movilizado a las estudiantes para dar una lección de soberanía popular.
 

Hoy en día, la Universidad Pública de las diferentes naciones oprimidas por el Estado español, sufre una triple opresión capitalista. Los diferentes gobiernos autonómicos aplican toda normativa proveniente del Gobierno español que, a su vez, son parte de los objetivos y estrategias impuestas por la Unión Europea. 

¿Los objetivos?  Desmantelar el sistema universitario público para ponerlo a disposición de los grandes capitales transnacionales, mercantilizando todo conocimiento y acción investigadora que se genere en la Universidad; y elitizar el acceso universitario, privatizando así la fuente de conocimiento al servicio de la sociedad. ¿Estrategias? La estrategia desarrollada para materializar los objetivos europeos actualmente es el Decreto del 3+2.

Este Decreto dará paso a un nuevo formato de carrera universitaria. Los grados se reducirán a tres años, traduciéndose como educación básica, y dos años de máster, cristalizado en especialización. El resultado es la minusvaloración de los grados en el mercado laboral, en favor de los másteres que, además, son más caros que los grados y cuya oferta pública es escasa. En definitiva, las clases trabajadoras y populares no podrán acceder a la enseñanza superior universitaria.

Por otro lado, también hay consecuencias sobre la democracia y la calidad de la enseñanza e investigación de las universidades: el aumento de financiación privada, juntamente con la entrada de las empresas privadas en los órganos de decisión de la Universidad; la adaptación de los contenidos de los grados a las necesidades del mercado laboral y las empresas; el aumento de la competencia entre las distintas universidades para lograr mayor financiación y prestigio internacional; entre otras.

Con este pretexto, el Movimiento Estudiantil de los Països Catalans ha organizado referéndums en las universidades catalanas para movilizar a las estudiantes a mostrar su oposición a la aplicación del 3+2. Todos los referéndums han superado cualquier otra participación electoral de cada Universidad en toda su historia. Además, los resultados demuestran que las estudiantes no están de acuerdo con el Decreto, con más del 90% declarándose en contra de la aplicación de éste. El siguiente paso es socializar la contradicción y trasladarla hacia la institución. Este paso solo podrá conseguirse mediante la movilización estudiantil.

Por eso se ha convocado huelga para el próximo 3 de marzo en los Països Catalans. La huelga se usará como una herramienta para materializar las demandas del Movimiento Estudiantil, reafirmando una vez más que la autoorganización, el contrapoder y el poder popular son necesarios. Servirá, en los Països Catalans, para marcar la agenda política y resituar en el centro del debate la problemática en cuestión, en un momento de gran acumulación de fuerzas; así como para forzar el posicionamiento público de los Rectores catalanes, muchos de los cuales no están a favor de la aplicación del 3+2, ya que las instituciones universitarias son, en última instancia, las responsables de aplicar o no el decreto.

Desde Educación del pueblo, para los Pueblos damos nuestro apoyo a esta huelga en los Països Catalans, construida a partir del trabajo local, la autogestión y soberanía popular, con el objetivo de derrumbar una imposición más que nos constriñe a las estudiantes y al conjunto de las clases trabajadoras y populares. El yugo del capital, el patriarcado y la opresión nacional no se ejerce únicamente en los Països Catalans, sino que se estructura en todo el Estado español, sobre las diferentes naciones oprimidas, juntamente con la Unión Europea y las distintas burguesías de cada territorio. Las organizaciones que integramos esta plataforma, entendemos, como socialistas, que el internacionalismo es intrínseco a nuestra praxis política. Y más aún cuando, en determinadas ocasiones, tenemos un enemigo común en nuestras luchas estudiantiles; las organizaciones estudiantiles de los pueblos oprimidos del estado español unimos nuestras fuerzas para construir una educación que responda a los intereses de las clases obrera y populares de cada nación. 

Asimismo, y desde el respeto, consideramos equivocadas las actitudes e intenciones del Colectivo de Jóvenes Comunistas (CJC) mostradas a través de su rama estudiantil, el Frente de Estudiantes, al intentar aprovechar esta huelga estudiantil, apropiándose de sus demandas legítimas y difuminando el marco nacional catalán de la misma, trasladando la convocatoria a otros pueblos donde no se ha realizado un trabajo previo y donde resulta totalmente descontextualizada respecto a la realidad de nuestros movimientos estudiantiles. Creemos que es imprescindible para que el movimiento estudiantil avance, se fortalezca y consiga victorias, que sus tiempos y sus métodos de decisión adaptados a cada realidad nacional sean respetados.

N’apoyu a la llucha estudiantil castellana

El próximu 22 d’ochobre los y les estudiantes de Castiella tán llamaes a una xornada de llucha, que va incluyir fuelga yá convocada en territorios como Segovia, Palencia, Burgos o Valladolid, y manifestaciones y otres aiciones de protesta en llugares como Madrid o Ávila.

Dende la Xunta Estudiantil Asturiana queremos treslladar la nuesa solidaridá pa con estes movilizaciones del estudiantáu castellán, en llucha por una educación tresformadora, a la que toes y toos tengan accesu garantizáu, y apegada a la realidá del so país. Esos y otros valores son compartíos pola XEA na llucha estudiantil asturiana, y ye por ello qu’unviamos un saludu internacionalista y tol puxu.

PUXA LA LLUCHA DE LES ESTUDIANTES

#Fuelga24M n'Asturies

Esti martes 24 de marzu les y los estudiantes d'Asturies taben llamaos a una nueva xornada de movilización en protesta poles nueves polítiques mercantilizadores del gobiernu central, con una Estratexa Universidá 2015 qu'entama a facese notar con midíes como'l 3+2, que va suponer un pasu más na elitización d'un enseñu públicu que sigue sufriendo ataques.

Dende la Xunta Estudiantil Asturiana llamamos a la fuelga nesta xornada entendiendo imprescindible siguir desendolcando les movilizaciones estudiantiles y amosando la oposición a estes polítiques, continuadores d'otres como la LOMCE, nun claru procesu d'ataque xeneral a la educación pública asturiana.

Dende la XEA entamó'l trabayu yá nos díes previos, con actividaes propagandístiques pa dar a conocer la fuelga ya informar de la gravedá d'estes midíes  que mos quieren imponer. Amás, el llunes 23 hebo tiempu tamién pa conocer más alrodiu la situación del estudiantáu en Colombia, México y América Llatina en xeneral, asina como la so rellación cola ofensiva neolliberal que tamién sufre la enseñanza equí. Esta charra foi organizada pola XEA nel Llar La Llegra, onde estudiantes pudieron afondar nel conocimientu y l'alderique d'estes cuestiones.

La propia xornada de fuelga sirvió pa continuar coles actividaes propagandístiques, poniendo'l puntu de mira principalmente na denuncia de la EU2015, la LOMCE y el 3+2, pero reivindicando tamién un enseñu asturianu y popular: llaicu, emancipador, igualitariu, críticu, apegáu a la realidá del país.

Na tarde del 24 desendolcóse una manifestación na que dende la Xunta Estudiantil llamamos a participar dende la conformación d'un bloque críticu: consideramos que sedría incoherente convocar de la mano d'organizaciones sindicales que, per aición u omisión, ataquen l'enseñu públicu apoyando normatives como'l Reglamentu de Permanencia dende órganos illexítimos y contrarios a los intereses del estudiantáu, como'l Conseyu Social.

Glayóse por un enseñu asturianu y popular, pola necesidá de siguir lluchando pa tresformar Asturies, por un tratamientu dignu de les nueses llingües y cultura nel enseñu, y afitando que namái #FaciendoCamín dende la base y atendiendo a los ritmos, especifidaes, y problemátiques propies del nuesu pueblu, llograremos avanzar haza un enseñu #PaLosPueblos.


Tampoco queremos escaecer a los 3 estudiantes deteníos na mañana del martes nel marcu de la fuelga, con maltratu físicu por parte d'unes fuercies represives que protagonizaron otros llamentables episodios, como l'arranque de cartelos llamando a la fuelga. Escontra la so  represión, la nuesa llucha y solidaridá.

Bloque críticu estudiantil na manifestación del 24M

La educación pública asturiana sigue sufriendo ataques: a los retayos de personal, l'empioramientu de les condiciones materiales nes aules, la marxinación activa de les llingües, cultura, realidá social ya historia d'asturies, les dificultaes crecientes p'acceder a la universidá pol aumentu de les tases, la mengua de les beques, o normes restrictives como'l Reglamentu de Permanencia, tenemos que sumar agora l'amenaza que supón el 3+2, afondando na mercantilización d'un sistema educativu que lleva años caminando nesa direición, como bien amuesa una LOMCE bien venceyada a estes polítiques.

Toos estos ataques tienen como protagonistes non solo al gobiernu central, sinon tamién a un gobiernu asturianu que nun dulda en recortar personal interín, condergar a esi estatus al profesoráu d'asturianu y gallego-asturiano, o amosar una actitú de pasividá nunos casos y responsabilidá direuta n'otros nel evidente deterioru de la Universidá d'Uviéu, tanto pa profesores, como alumnos/es, y personal alministrativo.

Consideramos imprescindible caltener ya intensificar la movilización: namái un movimientu reivindicativu, fuerte, organizáu y apegáu a les problemátiques de la educación asturiana va poder valtiar estes amenaces. Ye por ello que llamamos a la participación nes movilizaciones del 24 marzu, pero dende una perspeutiva crítica, y coherente colo espuesto: señalamos y denunciamos tamién la hipocresía de convocantes activos de les protestes, como CCOO, UGT o CSIF, que demientres per un llau llamen a participar contra'l 3+2, aprueben n'órganos como'l Conseyu Social de la Universidá d'Uviéu, midíes qu'espulsen a más de 1000 alumnes/os, frutu d'un Reglamentu de Permanencia inxustu y abusivu.

Poro, llamamos a la conformación d'un espaciu críticu nes movilizaciones del 24M: críticu pa colos qu'ataquen l'enseñu públicu, críticu pa cola hipocresía de los sos cómplices, y afitando qu'hai otru camín p'algamar una educación pública asturiana de calidá.

[Charra] Crímenes d'Estáu en Colombia y México

Énte los fechos que vienen asocediendo en países americanos como Colombia y más recientemente en México con los estudiantes d'Ayotzinapa y cola coincidencia d'una nueva fuelga estudiantil escontra los recortes que la Troika impón nel sur d'Europa, dende la Xunta Estudiantil Asturiana entamamos una charra pa conocer de primera mano la realidá d'estos dos países. 

Facémoslo coles ganes de sintir los testimonios del compañeru colombianu Fabián, refuxáu estos meses n'Asturies gracies al programa de DDHH d'Asturies y tamién a Inés, que tuvo participado nun proyectu internacionalista de Soldepaz Pachakuti n'Oaxaca (México). 

Xunto con elles na víspera de la #Fuelga24M, trataremos d'acolumbrar la rellación esistente ente l'austericidiu de La Troika nel sur d'Europa y los crímenes d'estáu escontra los movimientos populares de dellos países, socios preferentes de la UE n'América Llatina.

Xuntes siguimos #FaciendoCamín