¡Marina Civil en llucha!

Les y los estudiantes de Grau de les dos especialidaes de Marina Civil qu'entamaron a impartise nel añu 2010 enterámonos per primer vez, y pente medies de la prensa, de qu'un recursu presentáu pol COIN (Colexu Oficial d'Inxenieros Navales) va dexános ensin la titulación d'inxenieros. 

Quieren vendenos la moto diciendo qu'eso nun mos afecta a les competencies, cosa que ye cierta, pero seyamos sinceros, ¿nuna empresa garrarán primero a un marín o a un Inxenieru Marín? La rempuesta ye clara. Les y los estudiantes preguntámonos ¿por qué nun se mos dixo nada? 

¿Por qué nun mos avisaron de que no que mos tábemos matriculando podía nun ser el títulu que recibiéremos a la fin de la carrera? ¿Por qué, mientres n'otres universidaes del estáu s'interpunxeron recursos, la Universidá d'Uviéu nun movió un deu?

Tamos fartos de que camuden les normes a la metá la partida.
Queremos rempuestes y soluciones.