Como organización asamblearia y de base creyemos que'l mou d'actuar
na convocatoria d'esta fuelga nun ye l'afayadizu. Con esto, referímonos a
la decisión unillateral de convocar la fuelga ensin tener aconceyao col
restu de los sectores educativos, asina como l'usu de les asamblees pa
la autopromoción ensin mostrar interés pol aconceyamientu col restu d'organizaciones, xenerando esti xacer solapamientos con otros actos yá programaos.
Entendemos el Sindicato de Estudiantes como una organización alloñada
de la realidá de la sociedá asturiana, ensin soberanía ideolóxica nin
política y condicionada por organizaciones polítiques tradicionales,
verticales, que per aciu de discursos populistes y vacíos empleguen la
mentada organización como ferramienta desmovilizadora y proselitista.
Tamién denunciamos la nula sensibilidá pa cola realidá sociocultural d'Asturies reflexada na propia denomación de les sos asamblees como "provinciales", con materiales monollingües esclusivamente en castellán, inorando a gran parte de los y les asturianes que vivimos y lluchamos na nuestra llingua materna:
l'asturianu.
La mocedá tien que s'organizar y participar activamente na cai, nes escueles y nes facultaes siempre con un puntu de vista críticu, pidiéndolo too, esixiéndolo too, reivindicándolo too. Con un puntu de vista feminista, asturianu, d'izquierdes, internacionalista y anticapitalista. Críticos con toles estructures verticales y xerárquiques. Hemos señalar a los culpables: ente ellos el Gobiernu del Principáu d'Asturies y aquelles organizaciones polítiques y sindicales representaes na Xunta Xeneral. L'enemigu de la educación pública nun ta namás en Madrid, tenémoslu equí tamién, n'Asturies.
Esiximos y lluchamos por un enseñu públicu, igualitariu, non heteropatriarcal, emancipador, públicu, pa los y les asturianes y n'asturianu. Nengún modelu que refugue coses tan básiques como'l respetu polos pueblos mos va servir. Por esa razón nun participamos n'eventos que convoquen organizaciones desmovilizadores de la mocedá asturiana.
Dicho esto encamentamos al Sindicato de Estudiantes a empobinar pela sienda l'aconceyamientu y desaniciar l'actitú impositora aceutando'l dialogu d'igual a igual col restu de les organizaciones.
Xunta Estudiantil Asturiana (XEA)
Tamién denunciamos la nula sensibilidá pa cola realidá sociocultural d'Asturies reflexada na propia denomación de les sos asamblees como "provinciales", con materiales monollingües esclusivamente en castellán, inorando a gran parte de los y les asturianes que vivimos y lluchamos na nuestra llingua materna:
l'asturianu.
La mocedá tien que s'organizar y participar activamente na cai, nes escueles y nes facultaes siempre con un puntu de vista críticu, pidiéndolo too, esixiéndolo too, reivindicándolo too. Con un puntu de vista feminista, asturianu, d'izquierdes, internacionalista y anticapitalista. Críticos con toles estructures verticales y xerárquiques. Hemos señalar a los culpables: ente ellos el Gobiernu del Principáu d'Asturies y aquelles organizaciones polítiques y sindicales representaes na Xunta Xeneral. L'enemigu de la educación pública nun ta namás en Madrid, tenémoslu equí tamién, n'Asturies.
Esiximos y lluchamos por un enseñu públicu, igualitariu, non heteropatriarcal, emancipador, públicu, pa los y les asturianes y n'asturianu. Nengún modelu que refugue coses tan básiques como'l respetu polos pueblos mos va servir. Por esa razón nun participamos n'eventos que convoquen organizaciones desmovilizadores de la mocedá asturiana.
Dicho esto encamentamos al Sindicato de Estudiantes a empobinar pela sienda l'aconceyamientu y desaniciar l'actitú impositora aceutando'l dialogu d'igual a igual col restu de les organizaciones.
Xunta Estudiantil Asturiana (XEA)
