26 de febreru - 12:00- Plaza La Catedral (Uviéu)
El próximu 26 de febreru les y los estudiantes d'Asturies vamos desarrollar una xornada de protesta y movilización, pa dicir NON a les midíes coles que pretenden afondar na nel ataque el sistema educativu públicu. Nun queremos 3+2, nun queremos la Estratexa Universitaria 2015, nun queremos la LOMCE, nin queremos la mercantilización del enseñu.
Pero non too queda na simple oposición a estes midíes: tamién creyemos imprescindible reivindicar en positivo la defensa del calter públicu del sistema educativu, un enseñu que tien qu'avanzar inevitablemente nel camín de convertise nuna ferramienta igualitaria, emancipadora, llaica, popular, y pegada a la realidá social, cultural y a la hestoria del nuesu país, Asturies.
Ye por ello polo qu'amás de llamar a la fuelga, tamién vamos a participar na manifestación que va salir a les 12:00 hores de la Plaza La Catedral d'Uviéu, onde vamos tar presentes mediante un BLOQUE CRÍTICU, al entender que los nuesos plantegamientos y alternatives, choquen coles posiciones y práutiques de la organización convocante, el Sindicato de Estudiantes, pero ye al mesmu tiempu imprescindible facer ver al estudiantáu les alternatives esistentes.
El movimientu estudiantil tien que ser una ferramienta ACTIVA y DINAMIZADORA, non una organización inmovilista y pasiva que namás se dedique a facer convocatories de fuelga ensin nengún otru tipu d'actividaes nin de crítica el restu l'añu. Pa ser motor de cambiu y de tresformación social, l'estudiantáu tien que frayar coles movilizaciones de calter "festivu” y ensin nenguna planificación de futuru, camudándolo pol trabayu diariu de base nel camín de la concienciación y la organización constante del estudiantáu asturianu.
Amás, refugamos el modelu d'imposición de les convocatories, que tán feches de forma centralista y unilateral. Nun se cunta con nengún otru seutor del movimientu estudiantil que nun seya la so propia organización, nin les convocatories tán apegaes a la realidá del nuesu país. Nesi sen, son movilizaciones dictaes dende Madrid, ensin atender a los ritmos y especifidaes esistentes n'Asturies, y más de lo mesmo no tocante al so discursu: nin una referencia a los ataques a la educación pública de la Conseyería d'Educación, a les problemátiques concretes de la Universidá d'Uviéu, o a la situación del profesoráu interín asturianu -que repercute na calidá de la educación recibía pol alumnáu-... son dalgunos exemplos qu' amuesen a les clares esta situación.
La llucha nun fina dempués d'acabar el día de fuelga, sinon que p'algamar un enseñu al serviciu del pueblu, gratuitu, igualitariu y asturianu, fai falta trabayar día a día dientro y fuera les aules, semando un pensamientu críticu y tresformador. Pa eso, ye imprescindible la organización de les estudiantes n'Asamblees dientro de los sos centros d'enseñu.
¡¡¡POR UNA EDUCACIÓN PÚBLICA Y ASTURIANA!!!
¡¡¡¡¡ASTURIES SÁLVASE LLUCHANDO!!!!!
El próximu 26 de febreru les y los estudiantes d'Asturies vamos desarrollar una xornada de protesta y movilización, pa dicir NON a les midíes coles que pretenden afondar na nel ataque el sistema educativu públicu. Nun queremos 3+2, nun queremos la Estratexa Universitaria 2015, nun queremos la LOMCE, nin queremos la mercantilización del enseñu.
Pero non too queda na simple oposición a estes midíes: tamién creyemos imprescindible reivindicar en positivo la defensa del calter públicu del sistema educativu, un enseñu que tien qu'avanzar inevitablemente nel camín de convertise nuna ferramienta igualitaria, emancipadora, llaica, popular, y pegada a la realidá social, cultural y a la hestoria del nuesu país, Asturies.
Ye por ello polo qu'amás de llamar a la fuelga, tamién vamos a participar na manifestación que va salir a les 12:00 hores de la Plaza La Catedral d'Uviéu, onde vamos tar presentes mediante un BLOQUE CRÍTICU, al entender que los nuesos plantegamientos y alternatives, choquen coles posiciones y práutiques de la organización convocante, el Sindicato de Estudiantes, pero ye al mesmu tiempu imprescindible facer ver al estudiantáu les alternatives esistentes.
El movimientu estudiantil tien que ser una ferramienta ACTIVA y DINAMIZADORA, non una organización inmovilista y pasiva que namás se dedique a facer convocatories de fuelga ensin nengún otru tipu d'actividaes nin de crítica el restu l'añu. Pa ser motor de cambiu y de tresformación social, l'estudiantáu tien que frayar coles movilizaciones de calter "festivu” y ensin nenguna planificación de futuru, camudándolo pol trabayu diariu de base nel camín de la concienciación y la organización constante del estudiantáu asturianu.
Amás, refugamos el modelu d'imposición de les convocatories, que tán feches de forma centralista y unilateral. Nun se cunta con nengún otru seutor del movimientu estudiantil que nun seya la so propia organización, nin les convocatories tán apegaes a la realidá del nuesu país. Nesi sen, son movilizaciones dictaes dende Madrid, ensin atender a los ritmos y especifidaes esistentes n'Asturies, y más de lo mesmo no tocante al so discursu: nin una referencia a los ataques a la educación pública de la Conseyería d'Educación, a les problemátiques concretes de la Universidá d'Uviéu, o a la situación del profesoráu interín asturianu -que repercute na calidá de la educación recibía pol alumnáu-... son dalgunos exemplos qu' amuesen a les clares esta situación.
La llucha nun fina dempués d'acabar el día de fuelga, sinon que p'algamar un enseñu al serviciu del pueblu, gratuitu, igualitariu y asturianu, fai falta trabayar día a día dientro y fuera les aules, semando un pensamientu críticu y tresformador. Pa eso, ye imprescindible la organización de les estudiantes n'Asamblees dientro de los sos centros d'enseñu.
¡¡¡POR UNA EDUCACIÓN PÚBLICA Y ASTURIANA!!!
¡¡¡¡¡ASTURIES SÁLVASE LLUCHANDO!!!!!
