Nel dia internacional de los y les estudiantes, día qu'o bien foi fechu de menos y dexáu de llau, o foi capitalizáu por organizaciones reformistes que trataron de convertilo nuna festividá más que nun día nel que reivindicar el nuesu derechu a una educación por y pa los pueblos. Nel contestu que vemos güei, esti día internacional de los y les estudiantes creemos que nun puede nin tien de ser una fiesta o un día más nel calendariu institucional, porque nos pruye con tola necesidá que supon el llegar a persones llibres y crítiques, construyir ente toos y toes una educación que respuenda a les necesidaes de los nuesos pueblos: una educación que sía por y pal pueblu trabayador, que sía feminista y que sía internacionalista; pa d'esta miente poder ganar la sociedá de la mañana.
