Esti
8 de Setiembre la iniciativa Lluchando Pola Soberanía entama n'Uviéu
manifestación con entamu a les 13:00 nel Paséu Los Álamos d'Uviéu, con
xinta y actividaes llúdiques posteriores.
Dende
la Xunta Estudiantil Asturiana vemos perimportante salir a la cai en
cualquier fecha, pero esti día tien una importancia especial: hai que
visibilizar na cai que nun tamos d'alcuerdu cola visión que dende'l
poder se da d'esti día, la cual treslladen ensin nengún tipu de
remordimientu al nuesu enseñu.
Los
conteníos rellacionaos col nuesu país son escasos en cualquier nivel de
la enseñanza, y cuando estos apaecen fáenlo polo xeneral con una visión
bien parcial y poco científica: en definitiva, una visión del
nacionalismu español cola qu'adoctrinanos tanto sobre'l nuesu pasáu,
como sobre'l nuesu presente, pa que'l futuru seya'l qu'ellos quieren, y
non el que nós necesitamos.
Too
esto tamién tien reflexu nes condiciones materiales tanto del alumnáu,
como de les docentes y demás trabayadores del nuesu enseñu: los retayos
de fondos y de personal, les agresiones a la escuela rural, les
carencies sufríes pol coleutivu d'intérpretes de signos, asina como les
precaries condiciones esistentes na Universidá d'Uviéu, son dalgunos de
los exemplos claros y visibles de too ello.
Ye
por ello qu'hai que salir a les cais esti 8-S, pa denunciar too esto,
pero tamién p'amosar qu'hai alternativa real, que ye posible una
educación fecha por y pa los intereses del Pueblu Asturianu, en
contraposición al adoctrinamientu capitalista, españolista, machista y
definitivamente anti-emancipador qu'anguaño carecemos. En definitiva,
facer col 8-S, y col modelu educativu asturianu, tolo contrario de lo
que quieren les élites polítiques y económiques.