Dende
la Xunta Estudiantil Asturiana creyemos qu'un añu más nun queda otra
que siguir denunciando la farsa monárquica que mos inunda colos Premios
Princesa, esi oasis alloñáu de los problemes de les y los estudiantes.
Nun
son poques les ocasiones nes que dan premios por llabores rellacionaos
cola educación, demientres qu'eses mesmes élites que los empobinen son
artífices del retayu de beques, del aumentu de les tases, o de les
ofensives mercantilizadores que, como'l 3+2, van siguir faciendo
retroceder la universidá pública.
Tamién
veremos neses ceremonies a representantes d'empreses que posteriormente
van sentase nel Conseyu Social que venía blindando'l Reglamentu de
Permanencia, y cuyu interés nun ta en garantizanos una educación de
calidá. Y demientres toes estes coses pasen, el nuesu deber ye salir a
la cai a denuncialo.
Dende
la Xunta Estudiantil Asturiana taremos na concentración que glayará escontra los Premios na Plaza La Escandalera, y llamamos a
los y les estudiantes a facelo col bloque soberanista: trái la to
asturina pa esixir una educación pública, asturiana y de calidá, #FaciendoCamín por una Asturies republicana.
