La XEA considera la
llucha pola soberanía, tamién la educativa, parte del camín p'algamar de mou
plenu la emancipación y auto-organización del pueblu asturianu. Nesti sen, la
llucha dientro'l sistema educativu ye paralela a la
llucha obrera y habrá ser un factor decisivu p'algamar el cambéu social,
económicu, políticu y cultural que sorraye'l futuru de la nación asturiana, que
toos y toes tenemos torgáu anguaño por causa de les polítiques llevaes a
términu poles y los representantes del estáu español n'Asturies.
La soberanía
ha ser un preséu pa torgar les midides aculturadores y capitalistes que
sufrimos en tolos ámbitos, destacando n'especial l'educativu, con una dinámica
españolizadora, ultrarrelixosa, privatizadora, mercantilista, elitista y
segregadora col oxetivu de desaniciar la idea d'un modelu educativu empobináu a
la sociedá asturiana, críticu, acordies coles especificidaes sociales,
territoriales, culturales, económiques y llingüístiques del pueblu asturianu.
