Dende la Xunta Estudiantil Asturiana llamamos a les estudiantes
d'Asturies a solidarizase coles 38 compañeres de Sevilla y Madrid que
nel caberu mes de Payares foron prindaes nes movilizaciones
estudiantiles d'estes ciudaes.
Les primeres 8 detenciones
tuvieron llugar en Sevilla tres una manifestación del grupúsculu neonazi
"Respuesta Estudiantil", na que les estudiantes y mocedá sevillana en
xeneral quiso amosar el so refugu cola presencia, amparada pol
gobiernu, de neonazis llegaos de tolos
puntos de Reinu d'España a la capital andaluza. Esi día los neonazis
solu pudieron marchar pel centru de Sevilla en mediu d'un gran
despliegue policial, que reprimió a la mocedá andaluza que quiso
torgalo.
Les siguientes 30 detenciones tuvieron llugar en Madrid, dempués de la campaña diseñada pol #PPSOE
con una axitación mediática de criminalización y del montaxe
políticu-policial que vino darréu: 19 mozos y moces foron prindaes de
madrugada pola Brigada d'Información de la policía baxo acusaciones
absurdes . Esto fizo que cientos de solidaries se concentraran énte la
comisaria de policía, onde los antidisturbios protagonizaron xabaces
cargues escontra les solidaries y una persecución descomanada peles cais
madrilanes, col resultáu de 11 persones deteníes más.
Atalantamos qu'esto nun ye sinón l'amuesa de que'l réxime políticu en descomposición quier acabar cola educación pública, enfotando a grupos fascistes y reaccionarios, y afondando na involución de la mesma con cuenta de torgar al Pueblu l'accesu al conocimientu y a les ferramientes pa construyir una sociedá de mentes llíbres, capaces d'imaxinar un mundu diferente, xustu ya igualitariu.
Denunciamos poro'l papel de les élites venceyaes al Reinu d'España, que lo mesmo qu'ayeri, nun dubien en sofitar y esparder l'ideariu facista dende tolos foros al so alcance col únicu finxu d'amedranar y torgar l'articulación de procesos populares de movilización y contestación social qu'enanchen les resquiebres d'esti réxime caducu afitáu sobre la Constitución Española de 1978, como bien amuesa'l testu de la nueva Llei Antiprotesta.
Ye por esto que dende la Xunta Estudiantil Asturiana desiximos l'absolución darréu de toles compañeres, atalantamos que nesti momentu los únicos criminales son esi 1% de la población que dende les grandes corporaciones y los gobiernos tan esfarrapando la vida de miles de millones de persones y que pal restu la única salida que nos queda ye la llucha y la solidaridá. Poro, taremos na concentración entamada esti Xueves 5 d'Avientu a les 19:00 na Plaza de la Escandalera d'Uviéu.
¡VALIÓ DE REPRESIÓN Y COMBAYÉU COLOS FASCISTES!
¡PUXA LA EDUCACIÓN POPULAR YA IGUALITARIA!
Atalantamos qu'esto nun ye sinón l'amuesa de que'l réxime políticu en descomposición quier acabar cola educación pública, enfotando a grupos fascistes y reaccionarios, y afondando na involución de la mesma con cuenta de torgar al Pueblu l'accesu al conocimientu y a les ferramientes pa construyir una sociedá de mentes llíbres, capaces d'imaxinar un mundu diferente, xustu ya igualitariu.
Denunciamos poro'l papel de les élites venceyaes al Reinu d'España, que lo mesmo qu'ayeri, nun dubien en sofitar y esparder l'ideariu facista dende tolos foros al so alcance col únicu finxu d'amedranar y torgar l'articulación de procesos populares de movilización y contestación social qu'enanchen les resquiebres d'esti réxime caducu afitáu sobre la Constitución Española de 1978, como bien amuesa'l testu de la nueva Llei Antiprotesta.
Ye por esto que dende la Xunta Estudiantil Asturiana desiximos l'absolución darréu de toles compañeres, atalantamos que nesti momentu los únicos criminales son esi 1% de la población que dende les grandes corporaciones y los gobiernos tan esfarrapando la vida de miles de millones de persones y que pal restu la única salida que nos queda ye la llucha y la solidaridá. Poro, taremos na concentración entamada esti Xueves 5 d'Avientu a les 19:00 na Plaza de la Escandalera d'Uviéu.
¡VALIÓ DE REPRESIÓN Y COMBAYÉU COLOS FASCISTES!
¡PUXA LA EDUCACIÓN POPULAR YA IGUALITARIA!
