Dende la Xunta Estudiantil Asturiana, vemos perpositiva la
iniciativa de La Llegra, impulsora d'un conceyu col oxetivu de que les
persones soberanistes, militantes y non militantes d'organizaciones
polítiques, alderiquen y s'entiendan p'algamar una dinámica de xunidá
d'aición y facer un bloque soberanista pa les convocatories qu'hai
n'Asturies nel mes de mayu.
La primera d'estes convocatories ye'l viniente 1 de
mayu, día de la clas trabayadora y, tres esti alderique, prácticamente
tola totalidá de la xente que participó nel mesmu vió la necesidá
d'asistir toes xuntes a esta convocatoria faciendo piñu y conformando un
bloque de persones soberanistes.
Dende la XEA entendemos que per delantre de cualesquier mena de sigles
ta Asturies, y trabayando toes xuntes haza un oxetivu común ye la meyor
forma de que tanto la militancia de les estremaes organizaciones
polítiques como la xente simpatizante y lo non militante, trabayemos a
comuña y algamemos los oxetivos que compartimos, que son piedres
necesaries p'afitar el camín haza la soberanía popular.
Les estudidiantes tenemos qu'asistir a estes convocatories y facer sentir les nueses reivindicaciones, yá que'l sistema educativu cada vegada ye más precariu y de peor calidá. Al empar, somos sabedores de que'l nuesu futuru como estudiantes pertenecientes a la clas obrera ta nel sistema llaboral, un sistema llaboral cada día más agresivu pa colos nuesos intereses como clas y como pueblu. El nuesu futuru ha tar más allá de la precaridá llaboral y ha d’asitiase dientro les fronteres del nuesu país.
Poro, pa lluchar escontra un sistema económicu y llaboral que mos conderga a la emigración y a trabayar en condiciones per baxo de los llogros algamaos como clas cuantayá, hemos responder, organizaes, con puxu y conciencia siempres, más en díes señalaos como'l Primeru Mayu.
Nesti sen, dende la nuesa organización sofitamos estes dinámiques y animamos a la sociedá asturiano a participar na manifestación convocada polos sindicatos CSI, CGT y SUATEA convocada a les 12:30 na Plaza l’Humedal de Xixón. Y tamién, queremos facer un llamamientu a la xente a participar nel bloque soberanista, n'especial al seutor estudiantil del país y a acudir con asturines, banderes coloraes y banderes moraes, y a caminar toes xuntes, glayando baxo'l llema #LluchandoPolaSoberanía.
Les estudidiantes tenemos qu'asistir a estes convocatories y facer sentir les nueses reivindicaciones, yá que'l sistema educativu cada vegada ye más precariu y de peor calidá. Al empar, somos sabedores de que'l nuesu futuru como estudiantes pertenecientes a la clas obrera ta nel sistema llaboral, un sistema llaboral cada día más agresivu pa colos nuesos intereses como clas y como pueblu. El nuesu futuru ha tar más allá de la precaridá llaboral y ha d’asitiase dientro les fronteres del nuesu país.
Poro, pa lluchar escontra un sistema económicu y llaboral que mos conderga a la emigración y a trabayar en condiciones per baxo de los llogros algamaos como clas cuantayá, hemos responder, organizaes, con puxu y conciencia siempres, más en díes señalaos como'l Primeru Mayu.
Nesti sen, dende la nuesa organización sofitamos estes dinámiques y animamos a la sociedá asturiano a participar na manifestación convocada polos sindicatos CSI, CGT y SUATEA convocada a les 12:30 na Plaza l’Humedal de Xixón. Y tamién, queremos facer un llamamientu a la xente a participar nel bloque soberanista, n'especial al seutor estudiantil del país y a acudir con asturines, banderes coloraes y banderes moraes, y a caminar toes xuntes, glayando baxo'l llema #LluchandoPolaSoberanía.
