Facémonos ecu del comunicáu del Bloque Críticu Estudiantil énte los fechos de la manifestación del 24 de Payares n'Uviéu:
El xueves 24 de payares, poco primero de principiar la manifestación estudiantil d'Uviéu, un grupu de facistes presentóse cola intención d'estropiar l'actu, glayando llemes que nun teníen que ver un res cola llucha estudiantil y faciendo saludos nazis. Dalgunos miembros del bloque críticu, que taba tovía llegando al puntu d'alcuentru, plantaron cara a los facistes impidiéndo-yos el pasu.
Ante esta situación, la policía tomó aína posiciones pa separtar dambos grupos, pidiendo a los facistes que colaren y cargando namái escontra'l bloque críticu. Demientres la carga, amás de causar delles mancadures ente los manifestantes, requisaron dalgunes banderes del bloque. Depués d'estos acontecimientos, la manifestación trescurrió ensin más problemes peles cais de la ciudá. Sicasí, a la fin, cuando fuimos reclamar les banderes a los policíes, garraron a un compañeru y, ente engarradielles, acabaron llevándolu reteníu a comisaría. Tres d'ello, decidimos dir ellí p'amosá-y tol nuesu sofitu y solidaridá. Media hora depués, los mesmos policíes vuelven a apaecer y esta vegada garren retenía a otra compañera, a la qu'agreden dientro la comisaría. Poco depués d'esto, salen los dos compañeros y colamos del llugar.
Nin los facistes nin la represión policial van poder aparanos. ¡Por una educación popular, autoxestionada y combativa!
