YE LA HORA DE LA MOCEDÁ CRÍTICO, NACIONALIEGO, SOCIAL, FEMINISTA, ECOLOXISTA, SOBERANISTA, ALTERMUNDISTA Y ANTIFACISTA. YE LA HORA DE LA MOCEDÁ ASTURIANO. ★

¿Qué ye la XEA?

La Xunta Estudiantil Asturiana (XEA) ye una plataforma estudiantil que puxa por un sistema educativu al serviciu del pueblu asturianu: un enseñu públicu y popular, de calidá, de baldre, universal, llaicu, críticu, lliberador, integrador, comprensivu y non heteropatriarcal, acordies coles especifidaes sociales, económiques, territoriales, culturales y llingüístiques d'Asturies.

Entendemos la llucha dientro del sistema educativu como parte de la llucha por un modelu social empobináu a la nuesa emancipación personal y coleutiva, dende la izquierda, el feminismu, l'ecoloxismu, el llaicismu, l'anticapitalismu y l'antifacismu, conxugando la visión nacional d'Asturies col internacionalismu solidariu.

La Xunta Estudiantil Asturiana ye una plataforma abierta ya independiente dafechu, de funcionamientu asambleariu, democráticu y públicu, qu'axunta persones y colectivos de toa triba ideolóxica na defensa d'estos principios, y a ella pue pertenecer cualquier estudiante del enseñu mediu, de la formación profesional, deportiva o artística, o de la Universidá, en tolos niveles del enseñu superior.