Dende la Xunta Estudiantil Asturiana nun podíemos dexar de treslladar el nuesu mensax coincidiendo col Día de les Lletres Asturianes. Asina, afitamos una vegada más el nuesu enfotu por un enseñu nel que les nueses llingües propies tengan el tratu normalizáu, dignu y vehicular que-yos correspuende, cuestión que va pareya a la igualdá xurídica en toles estayes de la vida: la OFICIALIDÁ.
Asina, tuviemos na manifestación entamada pola XDLA, participando dientro'l bloque #LluchandoPolaSoberanía xunto a munches persones y coleutivos de la Izquierda Soberanista. Enantes de too ello, pela mañana, tamién llevamos la reivindicación a los centros d'estudiu al traviés de pancartes.
Siguimos #FaciendoCamín
