La xueza archiva'l casu de les tres compañeres de bioloxía, imputaes pola Fuelga Universitaria del 24 de Marzu.
Escontra la represión, Solidaridá.
¡Puxa la llucha de les estudiantes!
Dende l'Asamblea d'Estudiantes de Bioloxía-Bioloxía en Movimientu alegrámonos de poder davos una bona noticia a toles que siguistis el casu de los tres compañeros imputaos pola Fuelga Universitaria del pasáu 24 de marzu. La jueza archivó'l casu, y una vegada pasáu'l plazu pal recursu de fiscalía, queda pel momento zarráu, polo que los compañeros nun van tener que dir a xuiciu. Nel autu queda claro que la versión policial yera totalmente falsa y que les acusaciones nun teníen nengún tipu de base.
Queremos davos les gracies a toos y toes los que vos interesasteis pol casu, a los que tuvistis sofitando dende'l principiu a los compañeros, y a toles que vos averasteis a la concentración de solidaridá frente a los xulgaos el día de la declaración.
Y n'especial, un abrazu solidariu y muncha fuercia a los compañeros imputaos pol desallugu de la Madreña, pola fuelga del 14N y a los 5 de Zarréu, y a tolos qu'en tol Estáu tán sufriendo la represión pol simple fechu de defender los drechos sociales.
Escontra la represión, solidaridá!
Puxa la llucha de les estudiantes!
