Dende la Xunta Estudiantil Asturiana animamos a la xente a acudir a
la manifestación pola oficialidá de la llingua asturiana, el vienente
vienres 9 de mayu, a les 19:30 hores na Estación del Norte (Renfe)
d’Uviéu, convocada pola Xunta Pola Denfensa De La Llingua Asturiana.
Nesti sen, queremos anunciar que tornaremos a participar nel bloque
soberanista que se ta organizando pa
esta fecha, al igual que se fexo el pasáu 1 de mayu. Queremos amosar la
perbona impresión que mos tan dando estes dinámiques y por ello,
queremos seguir participando y encamentando al movimientu soberanista
asturianu a participar nestes dinámiques de xunidá d’aición.
Tamién, queremos manifestar la necesidá d’acudir a la cita d’esti
vienres pa cola nuesa llingua. Seguimos viviendo nun país ensin
llibertaes y onde el nuesu idioma ta siendo reprimíu constantemente,
atapecíu y discrimináu per parte de la clase política, la clase sindical
tradicional y les Alministraciones publiques.
La nuesa llingua tien que ser oficial, pa cualquier persona normal nun tien xacíu nengún que se siga torgando a les asturianes esti derechu. Los represores nun tienen argumentos pa continuar ensin da-y la oficialidá al pueblu asturianu, les mentires qu'espardieren escontra l’asturianu intentando esconder el so españolismu recalcitrante nun engañen a naide nin puen siguir atentando escontra la voluntá d'esti Pueblu torgando una oficialidá de la nuesa llingua pola que naguamos.
Nel ámbitu educativu, queremos denunciar la represión que sufre l’asignatura d’asturianu y el menospreciu que dende la Conseyería d’Educación y dende’l Gobiernu del Principáu d’Asturies se-y ta dando. Amás, nun queremos dexar de recordar la situación de precariedá na que s’alcuentren les docentes d’esta disciplina ya que el so trabayu sigue ensin tar reconocíu como especialidá, a pesar de les constantes promeses que la Conseyera d’Educación lleva años predicando.
Tamién, les estudiantes asturianes queremos poder estudiar nel nuesu idioma como llingua vehicular y, nun vamos dexar de reivindicar y lluchar por un enseñu públu, asturianu y de calidá. Queremoslo too y sabemos que los derechos nun se mendiguen al opresor, sinon qu’hai qu'arrancailos de les manes.
Porque la revolución sedrá n’asturianu o nun sedrá.
Siguimos #LluchandoPolaSoberanía: L’ASTURIANU LLINGUA OFICIAL.
La nuesa llingua tien que ser oficial, pa cualquier persona normal nun tien xacíu nengún que se siga torgando a les asturianes esti derechu. Los represores nun tienen argumentos pa continuar ensin da-y la oficialidá al pueblu asturianu, les mentires qu'espardieren escontra l’asturianu intentando esconder el so españolismu recalcitrante nun engañen a naide nin puen siguir atentando escontra la voluntá d'esti Pueblu torgando una oficialidá de la nuesa llingua pola que naguamos.
Nel ámbitu educativu, queremos denunciar la represión que sufre l’asignatura d’asturianu y el menospreciu que dende la Conseyería d’Educación y dende’l Gobiernu del Principáu d’Asturies se-y ta dando. Amás, nun queremos dexar de recordar la situación de precariedá na que s’alcuentren les docentes d’esta disciplina ya que el so trabayu sigue ensin tar reconocíu como especialidá, a pesar de les constantes promeses que la Conseyera d’Educación lleva años predicando.
Tamién, les estudiantes asturianes queremos poder estudiar nel nuesu idioma como llingua vehicular y, nun vamos dexar de reivindicar y lluchar por un enseñu públu, asturianu y de calidá. Queremoslo too y sabemos que los derechos nun se mendiguen al opresor, sinon qu’hai qu'arrancailos de les manes.
Porque la revolución sedrá n’asturianu o nun sedrá.
Siguimos #LluchandoPolaSoberanía: L’ASTURIANU LLINGUA OFICIAL.
