POR UNA EDUCACIÓN PÚBLICA Y ASTURIANA
L'ESTUDIANTÁU DIZ NON AL 3+2
Son innumerables los ataques que dende va tiempu ta sufriendo l'estudiantáu del Estáu Español, de la mano d'un gobiernu que nun dexa d'aprobar midíes facistes, un ministeriu d'educación que ta dispuestu a finar con tolos drechos algamaos y una Conseyería d'Educación sumisa a cualesquier mandáu de Madrid. Nun ye nuevu'l procesu de mercantilización y privatización de la universidá, primero col Plan Bolonia y agora cola Estratexa Universidá 2015, lo cual fai dependiente a la nuesa educación de los intereses del mercáu y de les grandes empreses.
La Estratexa 2015, propón midíes como'l 3+2, que conlleva rebaxar a 3 años el gráu y aumentar el máster a 2, agrandando d'esta manera'l preciu de la carrera pa llegar al mesmu nivel de conocimientu que s'amalgaba cola llicenciatura. Amás, cola nueva planificación, les universidaes pierden la so autonomía, ya que tamién van insertase los "Mecenas" p'ayudar na financiación de la Universidá. Éstos van poder escoyer dellos cargos de les mesmes, condicionando con ello los conocimientos que vayan a impartis y afondando asina nel nefastu modelu del mal nomáu Conseyu Social escontra'l que venimos lluchando les estudiantes de la Universidá d'Uviéu
Nun hai qu'escaecer la llei Wert, qu'entama a funcionar nesti cursu académicu y que col sistema de reválides va condicionar dende 3º de primaria hasta la Universidá o FP el futuru de los neños y neñes; amás de facer distinciones ente los centros educativos según les calificaciones algamaes polos escolinos.
Toes estes polítiques llévennos haza un modelu educativu inxustu, non igualitariu y perlloñe de les posibilidaes d'accesu de la clas obrera. Poro, dende la Xunta Estudiantil Asturiana, llamamos a tol estudiantáu d'Asturies a salir a la cai'l 26F y lluchar por una educación pública, de calidá, igualitaria y na nuesa llingua. Una educación del pueblu y pal pueblu. ¡El 26F siguimos #FaciendoCamín!
L'ESTUDIANTÁU DIZ NON AL 3+2
Son innumerables los ataques que dende va tiempu ta sufriendo l'estudiantáu del Estáu Español, de la mano d'un gobiernu que nun dexa d'aprobar midíes facistes, un ministeriu d'educación que ta dispuestu a finar con tolos drechos algamaos y una Conseyería d'Educación sumisa a cualesquier mandáu de Madrid. Nun ye nuevu'l procesu de mercantilización y privatización de la universidá, primero col Plan Bolonia y agora cola Estratexa Universidá 2015, lo cual fai dependiente a la nuesa educación de los intereses del mercáu y de les grandes empreses.
La Estratexa 2015, propón midíes como'l 3+2, que conlleva rebaxar a 3 años el gráu y aumentar el máster a 2, agrandando d'esta manera'l preciu de la carrera pa llegar al mesmu nivel de conocimientu que s'amalgaba cola llicenciatura. Amás, cola nueva planificación, les universidaes pierden la so autonomía, ya que tamién van insertase los "Mecenas" p'ayudar na financiación de la Universidá. Éstos van poder escoyer dellos cargos de les mesmes, condicionando con ello los conocimientos que vayan a impartis y afondando asina nel nefastu modelu del mal nomáu Conseyu Social escontra'l que venimos lluchando les estudiantes de la Universidá d'Uviéu
Nun hai qu'escaecer la llei Wert, qu'entama a funcionar nesti cursu académicu y que col sistema de reválides va condicionar dende 3º de primaria hasta la Universidá o FP el futuru de los neños y neñes; amás de facer distinciones ente los centros educativos según les calificaciones algamaes polos escolinos.
Toes estes polítiques llévennos haza un modelu educativu inxustu, non igualitariu y perlloñe de les posibilidaes d'accesu de la clas obrera. Poro, dende la Xunta Estudiantil Asturiana, llamamos a tol estudiantáu d'Asturies a salir a la cai'l 26F y lluchar por una educación pública, de calidá, igualitaria y na nuesa llingua. Una educación del pueblu y pal pueblu. ¡El 26F siguimos #FaciendoCamín!
